Կարտոֆիլով սենդվիչ-կոտլետ
1 час 30 минуты
Այս կարտոֆիլային սենդվիչ-կոտլետները պատրաստելով՝ շատերին կզարմացնեք:
Բաղադրիչներ
- 700 գ կարտոֆիլ
- 1 հատ ձու
- 50 գ պաքսիմատ
- աղ
- պղպեղ
- այլ համեմունքներ (ըստ ցանկության)
Միջուկ
- 1 հատ լոլիկ
- 150 գ պանիր
- 150 գ խոզապուխտ
Պատրաստման եղանակը
- Կարտոֆիլը խաշել և լավ ճզմել: Զանգվածը թողնել, որ սառչի:
- Ավելացնել աղ, պղպեղ, այլ համեմունքներ, պաքսիմատ, ձու և լավ խառնել:
- Տախտակի վրա յուղաթերթ փռել, ձեռքերը ձեթոտել, և կարտոֆիլային զանգվածից որոշ մաս առանձնացնելով՝ 2 շրջան պատրաստել (5-7 մմ հաստությամբ):
- Շրջաններից մեկի վրա նախ պանիր դնել, ապա՝ լոլիկ, իսկ հետո խոզապուխտ և կրկին պանիր: Վերջում ծածկել մյուս շրջանով, կողքերը փակել:
- Մնացած ողջ զանգվածից նման կոտլետներ պատրաստել:
- Թավայի մեջ մի փոքր ձեթ լցնել, և 2 կողմից տապակել կարտոֆիլային կոտլետները: Տապակելու ընթացքում թավան ծածկել կափարիչով:
Բարի ախորժակ