Տորթ «Ոսկե բանալի»: Շատերիս այն մեր մանկությունն է հիշեցնում

Բաղադրությունը

• Սպիտակ խմոր

110 գ ալյուր,

90 գ շաքարավազ,

3 հատ ձու,

վանիլին,

1 թեյի գդալ փխրեցուցիչ,

30 գ կարագ:

• Մուգ խմոր

75 գ ալյուր,

90 գ շաքարավազ,

3 հատ ձու,

վանիլին,

1 թեյի գդալ փխրեցուցիչ,

30 գ կարագ,

15 գ կակաո:

• Կրեմ

300 գ կարագ,

450 գ խտացրած կաթ,

վանիլին,

1.5 ճաշի գդալ կոնյակ:

• Օշարակ

120 գ ջուր,

130 գ շաքարավազ,

1 ճաշի գդալ կոնյակ:

Ձևամանը 18 սմ է: 26 սմ-ով պատրաստելու համար հարկավոր է բոլոր բաղադրիչները կրկնակի շատ օգտագործել:

Շերտերը թխել 25-30 րոպե 180-190 ջերմաստիճանում: Ձևամանի հատակին յուղաթուղթ փռել:

Պատրաստման եղանակը

Սկզբում պատրաստել շերտերը: Սպիտակ շերտի համար հարել ձուն և շաքարավազը այնքան, մինչև զանգվածը կփրփրի և կրկնակի ծավալ կունենա:

Ալյուրը մաղով անցկացնել և մաս-մաս ավելացնել: Հետո ավելացնել վանիլինը, փխրեցուցիչը և զգույշ խառնել:

Վերջում ավելացնել հալեցրած, բայց արդեն հովացած կարագը, և կրկին խառնել:

Նույն կերպ պատրաստել մուգ շերտը և թխել:

Արդեն պատրաստի բիսվիթներից յուրաքանչյուրը բաժանել 2 մասի:

Կրեմի պատրաստման համար հարել սենյակային ջերմաստիճանի կարագը, իսկ հետո մաս-մաս ավելացնել խտացրած կաթը: Ավելացնել կոնյակը և վանիլինը, և հարել, մինչև պատրաստի լինելը:

Առանձնացնել կրեմի 1/3 մասը, կակաո ավեալցնել և խառնել:  Սա տորթի ձևավորման համար է:

Օշարակը պատրաստելու համար հարկավոր է ջուրը տաքացնել շաքարավազի հետ այնքան, որ շաքարավազը հալչի, բայց ջուրը չեռա: Դրանից հետո սառեցնել զանգվածը, և ավելացնել կոնյակը:

Սկսել հավաքել տորթը, յուրաքանչյուր շերտին օշարակ և սպիտակ կրեմ քսել: Իսկ առանձնացված կրեմը քսել վերջին շերտին կամ տորթը ձևավորել ըստ ցանկության:

Տորթը մի քանի ժամ թողնել սառնարանում, որպեսզի կրեմը և օշարակը ներծծվեն:

Բարի ախորժակ