Շատ գեղեցիկ տորթ` յուրօրինակ կրեմով: Շատ նուրբ և համեղ «Կաթնային գեղեցկուհի»

Բաղադրիչներ

Խմորի համար`

2 ձու

180 գ ալյուր

380 գ խտացրած կաթ

50 գ կարագ

12 գ փխրեցուցիչ

մի պտղունց աղ

Կրեմի համար`

340 գ կաթնաշոռային կամ սերուցքային պանիր

300 գ 30% սերուցք

70 գ շաքարի փոշի

50 գ սպիտակ շոկոլադ` զարդարելու համար

Պատրաստման եղանակը

Ձվին ավելացնել մի պտղունց աղ, խառնել, ապա ավելացնել խտացրած կաթ և լավ խառնել

Ալյուրին ավելացնել փխրեցուցիչ, մաս-մաս լցնել ընդհանուր զանգվածին  և խառնել

Կարագը հալեցնել և ավելացնել խմորին

Խմորը բաժանել 2 մասի: Ջեռոցի թավայի մեջ կամ սիլիկոնե թաղանթ փռել, կամ յուղաթուղթ, կարագ քսել, հերթականությամբ լցնել խմորը և հավասարապես տարածել: Դնել 180°С տաքացրած ջեռոցում 7 րոպե

Խմորի կողային մասերը կտրել, իսկ խմորը բաժանել 4 հավասար մասերի և թողնել սառչեն

Կաթնաշոռային պանրին ավելացնել շաքարի փոշի, 1-2 րոպե հարել, որպեսզի բաղադրիչները ձուլվեն իրար

Ավելացնել սերուցք, հարել այնքան, մինչև սերուցքը թանձրանա

Խմորի բոլոր շերտերին կրեմ քսել և տորթ հավաքել

Տորթն ամբողջությամբ պատել կրեմով, զարդարել քերած սպիտակ շոկոլադով և պնդուկով` ցանկության դոպքում: 2-3 ժամ թողնել սառնարանում

Վայելելու ժամանակն է )))

Բարի ախորժակ