Տնական շաուրմա

Կարող եք ավելացնել կարտոֆիլի ֆրի, կորեական գազար կամ Ձեր նախընտրած այլ բաղադրիչներ:

1 Սոուսի համար թթվասերը և մայոնեզը խառնել, վրան սխտոր ճզմել, ավելացնել մանր կտրատված սամիթ, 1 պտղունց աղ, պղպեղ, կարրի և լավ խառնել:

2 Հավի փափկամիսը մի փոքր «ծեծել», համեմել և տապակել:

3 Հավի փափկամիսը և կաղամբը երկարավուն կտրատել, կաղամբը համեմել աղով: Կտրատել նաև լոլիկը և վարունգը:

4 Լավաշի մի մասի վրա սոուս քսել, վրան հերթականությամբ լցնել կաղամբը, միսը, լոլիկը և վարունգը:

5 Վրան սոուս լցնել և փաթաթել: (կարելի է լավաշի ծայրը կտրել, որպեսզի հաստ չստացվի)

6 Տապակել չոր թավայի մեջ, ամեն կողմից մի քանի րոպե:

Բարի ախորժակ