Տորթ «Ոսկե բանալի»
Թեթև հալչող համ, որը Ձեզ հիշողությունների գիրկը կգցի:
Բաղադրիչներ
- 165 գ ալյուր
- 1 թեյի գդալ փխրեցուցիչ
- 150 գ շաքարավազ
- 3 հատ ձու
- 60 գ կարագ
- 120 մլ կաթ
Կրեմի համար
- 300 գ կաթնաշոռային պանիր
- 300 գ սերուցք
- 200 գ եփած խտացրած կաթ
Պատրաստման եղանակը
Կրեմ
- Անհրաժեշտ պարագաները պետք է լինեն սառը վիճակում:
- Կաթնաշոռային պանիրը և եփած խտացրած կաթը հարել:
- Ավելացնել սերուցքը և հարել մինչև պինդ զանգվածի ստանալը:
Բիսկվիթ
- Ձուն և շաքարավազը միասին հարիչով հարել մինչև ծավալի մեծանալը և սպիտակելը:
- Կաթը և կարագը միասին թույլ կրակի վրա տաքացնել:
- Փխրեցուցիչը ավելացնել ալյուրին և կամաց-կամաց ավելացնել զանգվածին:
- Տաք կաթը, կամաց-կամաց խառնելով, ավելացնել ստացված զանգվածին:
- Թխել 175° ջերմաստիճան տաքությամբ ջեռոցում՝ 30-35 րոպե:
- Սառեցնել բիսկվիթը:
- Սառեցնելուց հետո բաժանել 3 հավասար մասերի:
- Շերտերի վրա քսել կրեմը:
- Ձևավորել ըստ ճաշակի և մատուցել:
Բարի ախորժակ: