Ձմռան հեքիաթային շունչը թող լինի նաև ձեր սեղաններին` այս անչափ համեղ և գրավիչ տորթ «Փաթիլ» -ի տեսքով

Բաղադրիչներ

Խմորի համար`

4 ձու

80 գ շաքարավազ

90 գ ալյուր

2 ճ/գ կոկոսի փաթիլներ

Կաղապարի չափը` 21 սմ

Կրեմի համար`

600 գ կաթնաշոռ

70 գ շաքարավազ

50 գ սերուցք

5 ճ/գ կոկոսի փաթիլներ

5 գ վանիլային շաքարավազ

Օշարակի համար`

½ բաժակ շաքարավազ

½ բաժակ ջուր

Զարդարելու համար`

2 ճ/գ թթվասեր

2 ճ/գ կոկոսի փաթիլներ

Պատրաստման եղանակը

Ձվերի դեղնուցներն ու սպիտակուցներն առանձնացնել, սպիտակուցը հարել` աստճանաբար ավելացնելով շաքարավազ, այնուհետև մեկ-մեկ ավելացնել նաև ձվի դեղնուցները

Ավելացնել ալյուր, կոկոսի փաթիլներ և խառնել

Կաղապարի մեջ սննդային թուղթ փռել, խմորը լցնել, հավասարեցնել և դնել 180°С տաքացրած ջեռոցում 35-40 րոպե

Հանել ջեռոցից, թողնել հովանա, այնուհետև հանել կաղապարից, վերևի հատվածի կոշտ շերտը հեռացնել, բաժանել 2 հավասար մասերի

Կրեմի համար կաթնաշոռը, շաքարավազն ու սերուցքը խառնել իրար և բլենդերով հարել

Տեղափոխել այլ տարայի մեջ, ավելացնել վանիլային շաքարավազ, կոկոսի փաթիլներ և լավ խառնել

Օշարակի համար ջուրն ու շաքարավազը խառնել իրար և դնել գազօջախին: Թողնել 1 րոպե եռա և վերցնել, թողնել հովանա

Շերտերը ցողել օշարակով, կրեմ քսել

Ծածկել սննդային պոլիէթիլենով և 4 ժամ թողնել սառնարանում

Տորթի կողային հատվածներին թթվասեր քսել և ամբողջ տորթը պատել կոկոսի փաթիլներով

Շտապեք համտեսել )))

Բարի ախորժակ