Կոլոլակով ապուր

Բաղադրությունը

• 1 հատ սոխ,

• 1 մեծ գազար,

• 4-5 հատ կարտոֆիլ,

• 1.5 բուռ վերմիշել կամ 1 բաժակ բրինձ,

• 250-300 գ աղացած միս (հավի),

• 1 հատ ձու,

• աղ և պղպեղ (ըստ ճաշակի),

• մաղադանոս և սամիթ:

Պատրաստման եղանակը

Մանր կտրատել սոխը, գազարը քերիչով անցակցնել, կարտոֆիլը կտրատել:

Թավայի մեջ 2 ճաշի գդալ ձեթ լցնել, և սոխարած պատրաստել: Այնուհետև ավելացնել գազարը և տապակել այնքան ժամանակ, մինչև կփափկի:

Խորը թավա վերցնել, մեջը լցնել սոխարածը, 2 լ ջուր կամ էլ արգանակ: Երբ ջուրը կսկսի եռալ, լցնել կարտոֆիլը: (Ապուրը բրնձով պատրատելու դեպքում բրինձը ևս հարկավոր է այս փուլում ավելացնել):

Աղացած մսի մեջ 1 ձու ջարդել, համեմել աղով և պղպեղով և լավ խառնել: Ցանկության դեպքում աղացած մսի մեջ կարելի է նաև սոխ կամ սխտոր ավելացնել:

Մսից գնդիկներ (կոլոլակներ) պատրաստել, և երբ ջուրը կարտոֆիլի հետ միասին կսկսի եռալ, ավելացնել կոլոլակները:

Երբ կոլոլակները սկսեն ջրի երես դուրս գալ, ավելացնել վերմիշելը և կանաչին: Ապուրը ևս 5 րոպե եփել:

Բարի ախորժակ