Լավաշով կեսադիլյա

Այս կեսադիլյաները հիանալի տարբերակ են արագ և ախորժելի ուտեստ պատրաստելու համար:

1 Սոուսի համար տարայի մեջ խառնել աղացած սև պղպեղը, պապրիկան, ուրցը, սոյայի սոուսը և ճզմած կամ մանր կտրատված սխտորը:

2 Հավի փափկամիսը կտրատել, սոուսով տապակել:

3 Նույն թավայի մեջ տապակել նաև մանր կտրատված սոխը և պղպեղները, այնուհետև խառնել մսին:

4 Լավաշը կիսել կամ շրջաններ կտրել, պանիրը անցկացնել քերիչով:

5 Թավայի մեջ կարագ դնել: Յուրաքանչյուր լավաշի կես մասի վրա լցնել պանիրը և միջուկը:

6 Ծալել, դնել թավայի մեջ, վրան հալեցրած կարագ քսել: Տապակել մի քանի րոպե ամեն կողմից մինչև պանրի հալվելը:

Բարի ախորժակ