Ինչպես պատրաստել Չոկո-պայ թխվացքաբլիթը տնային պայմաններու՞մ, շատ պարզ և արագ: Ձեզ օգնության կգա այս հրաշալի բաղադրատոմսը:

Բաղադրիչներ

Խմորի համար`

1 ձու

70 գ շաքարավազ

130 մլ կաթ

60 գ կարագ

180 գ ալյուր

1 թ/գ փխրեցուցիչ

մի պտղունց աղ և վանիլին

Միջուկի համար`

5 գ ժելատին + 30 մլ ջուր

110 գ շաքարավազ + 30 մլ ջուր

1 ճ/գ կիտրոնի հյութ

Ջնարակի համար`

100 գ 30% սերուցք

100 գ մուգ շոկոլադ                   

Պատրաստման եղանակը

Ձուն, շաքարավազը, աղը, վանիլինը խառնել իրար, հարել

Ավելացնել սենյակային ջերմաստիճանի կարագ, կաթ, մի քանի վայրկյան հարել, այնուհետև ավելացնել փխրեցուցիչ և ալյուր (ավելացնել մաս-մաս), խառնել, կամ մի քանի վայրկյան հարել

Պետք է ստացվի ձգվող խմոր

Խմորը լցնել հրուշակեղենի համար նախատեսված պարկի մեջ, կամ որևէ պինդ պոլիէթիլենի, թավայի վրա սննդային թուղթ փռել և փոքրիկ շրջանակներ անել

Դնել 170°С տաքացրած ջեռոցում 10-12 րոպե։ Հանելուց հետո թողնել հովանան, այնուհետև ներքևի մասից, մի փոքր թրջել կաթով (ցանկության դեպքում)

Միջուկի համար՝ ժելատինը ջրով բացել, թողնել

Շաքարավազը և ջուրը խառնել իրար, ավելացնել կիտրոնի հյութ, դնել գազօջախին, որպեսզի շաքարավազը լուցվի ջրի մեջ

Կաթսայի մեջ ջուր լցնել, ժելատինը տեղափոխել որևէ հարմար տարայի մեջ, դնել կաթսայի վրա և հալեցնել

Շաքարավազի հեղուկն ու հալած ժելատինը խառնել իրար և հարել (մոտ 10 րոպե)

Ստացված զանգվածը տեղափոխել հրուշակեղենային պարկի, կամ պինդ պոլիէթիլենի մեջ

Բլիթներն առանձնացնել` զույգ-զույգ, մեկի վրա լցնել միջուկ, մյուսավ ծածկել, 1-2 ժամ թողնել սառնարանում

Ջնարակի համար՝ սերուցքը դնել գազօջախին, թողնել լավ տաքանա, բայց չեռա:  Լցնել շոկոլադի վրա, խառնել, մինչև կստացվի միասեռ զանգված

Բլիթների մի կողմը թաթախել ջնարակի մեջ, դնել սննդային թղթի վրա, տեղափոխել սառնարան և թողնել 1 ժամ

Եվ ահա՜ պատրաստ են )))

Բարի ախորժակ