Երբ և՛ պատրաստումը, և՛ ըմբոշխնումը մի գեղագիտական վայելք է: Աղցան «Տորթ»

Բաղադրիչներ

1 կգ շերտավոր խմոր

կանաչ սոխ

4 խաշած ձու

2 խաշած գազար

2 ատամիկ սխտոր

աղ

200 գ պանիր

100 գ մայոնեզ

1 տուփ պահածոյացված ձուկ

Պատրաստման եղանակը

Շերտավոր խմորից ստանալ 5 ուղղանկյուն, 15-20 րոպե դնել 180°С տաքացրած ջեռոցում

Խաշած գազարն անցկացնել քերիչով, ավելացնել ճզմած սխտոր, աղ, մայոնեզ և լավ խառնել: Ձուն անցկացնել քերիչով, ավելացնել աղ, մայոնեզ և լավ խառնել

Մատուցվող ափսեի մեջ 1 շերտավոր խմոր դնել, մայոնեզ քսել, պահածոյացված ձուկը ճզմել և հավասարապես տարածել խմորի վրա

Դնել խմորի հաջորդ շերտը (ձեռքով նստեցնել փքված մասերը), մայոնեզ քսել, ավելացնել գազարը

Դնել խմորի 3-րդ շերտը, մայոնեզ քսել, ավելացնել ձուն

Դնել խմորի 4-րդ շերտը, մայոնեզ քսել, ավելացնել ճզմած ձուկը, դնել խմորի 5-րդ շերտը, աղցանն ամբողջությամբ ծածկել սննդային պոլիէթիլենով, որևէ ծանրոց դնել վրան և 12 ժամ թողնել սառնարանում

Սառնարանից հանելուց հետո` կտրել կողային անհարթ մասերը: Ամբողջ աղցանը պատել սերուցքային պանրով

Խմորի ավելորդ մնացած մասը մանրացնել, պատել ամբողջ աղցանը, զարդարել կանաչ սոխով և նռան հատիկներով

Կարող եք մատուցել )))

Բարի ախորժակ