Դուք կհիացնեք ձեր հյուրերին` մատուցելով այս գեղեցիկ, համեղ և ախորժելի ուտեստը: Լցոնած սմբուկ

Բաղադրիչներ

3 սմբուկ

50 մլ ձեթ

աղ, սև և կարմիր պղպեղներ, ուրց

միջուկի համար`

600 գ աղացած հավի կրծքամիս

1 գլուխ սոխ

2 ատամիկ սխտոր

1 կանաչ պղպեղ

2 լոլիկ

3 ճ/գ ձեթ

աղ, սև կարմիր պղպեղներ, քիմիոն, ուրց, համեմի աղացած սերմ

վերջնական տեսքի համար`

լոլիկ

100 գ պանիր

սոուսի համար`

1 ճ/գ տոմատի մածուկ + 200 մլ տաք ջուր

Պատրաստման եղանակը

Սմբուկները շրջանաձև, միջին հաստությամբ կտրատել, շարել ջեռոցի տապակի մեջ

Ձեթին ավելացնել աղ, սև և կարմիր պղպեղներ, ուրց, լավ խառնել, քսել սմբուկների վրա և դնել 200°С տաքացրած ջեռոցում 30 րոպե

Սոխն ու պղպեղը աղալ կամ հարել բլենդերով և 3 րոպե տապակել

Ավելացնել աղացած հավի կրծքամիսը, թողնել 5-6 րոպե, ապա ավելացնել աղ, սև և կարմիր պղպեղներ, քիմիոն, ուրց, լավ խառնել, ծածկել կափարիչն ու թողնել կրակին 3 րոպե

Լոլիկները հարել բլենդերով, ավելացնել տապակին, ծածկել կափարիչը, թողնել ևս 3 րոպե և վերցնել կրակից

Սմբուկները վերևից մի փոքր ճզմել

Լցոնել ստացված խճողակով, յուրաքանչյուրի վրա 1 կտոր լոլիկ դնել: Տոմատի մածուկին ավելացնել տաք ջուր, խառնել և լցնել լոլիկների վրա

Ավելացնել քերած պանիր և դնել 200°С տաքացրած ջեռոցում 20 րոպե

Մատուցելու ժամանակն է )))

Բարի ախորժակ