Պաննա կոտտա
Բաղադրիչներ
Ազնվամորիով շերտ
- 500 գր ազնվամորի (թարմ)
- 100 գր շաքարավազ
- 8 գր ժելատին (արագ լուծվող)
Սերուցքային շերտ
- 500 մլ սերուցք (33–35% յուղայնությամբ)
- 250 մլ կաթ
- 100 գր շաքարավազ
- 10 գր ժելատին (արագ լուծվող)
- վանիլին
Պատրաստման եղանակը
- Ժելատինը լուծել 50 մլ ջրում :
- Թավայի մեջ լցնել ազնվամորին, շաքարավազը, ավելացնել 100 մլ ջուր: Եռացնել 1–2 րոպե և հանել կրակի վրայից:
- Հարել խառնուրդը, այնուհետև անցկացնել մաղով: Ավելացնել ժելատինը և խառնել մինչև համասեռ դառնալը:
- Բաժակները թեքությամբ տեղավորել որևէ հարմարեցված տարայի մեջ: (կարելի է օգտագործել կեքսի ձևամանները) Ազնվամորով խառնուրդից լցնել բաժակների մեջ (30–40 %) և դնել սառնարանում 30–40 րոպե:
- Սերուցքային շերտի համար ժելատինը լուծել 50 մլ ջրում:
- Թավայի մեջ լցնել սերուցքը, շաքարավազը, կաթը և վանիլինը: Դնել կրակին, անընդհատ խառնել մինչև եռալը և եռալուն պես հանել կրակի վրայից:
- Տաք սերուցքին ավելացնել ժելատինը և խառնել, մինչև որ դառնա համասեռ զանգված:
- Թողնել, որ սերուցքը սառչի: Այն պետք է լինի սենյակային ջերմաստիճանի: Ուղղել բաժակները, և վրան լցնել սերուցքը:
- Դնել սառնարանում 4–5 ժամ: Կարելի է ձևավորել թարմ հատապտուղներով: