Բլիթներ, որոնք Ձեզ անտարբեր չեն թողնի: Այսքան պարզ, բայց այնքան համեղ

Բաղադրությունը

• +/- 110 գր ալյուր,

• 100 գր կոկոսի փաթիլ,

• 80 գ կարագ,

• 80 գ շաքարավազ,

• 2 հատ միջին մեծության ձու,

• 1 թեյի գդալ փխրեցուցիչ,

• վանիլին,

• աղ:

Պատրաստման եղանակը

Խմորի համար նախատեսված բոլոր բաղադրիչները պետք է լինեն սենյակային ջերմաստիճանի:

Փափուկ կարագը և շաքարավազը 2-3 րոպե հարել, ավելացնել աղ, 1 հատ ձու և կրկին հարել, իսկ հետո ավելացնել 2-րդ ձուն ու հարել:

Զանգվածին ավելացնել կոկոսի փաթիլները և խառնել:

Ալյուրը, վանիլինը և փխրեցուցիցը խառնել, մաղով անցկացնել, լցնել զանգվածի վրա ու խառնել:

Ստացվում է ձեռքերին կպչող խմոր: Խմորը ծածկել սննդային տոպրակով և 30-40 րոպե թողնել սառնարանում:

Սառնարանում մնալուց հետո խմորն ավելի է պնդանում: Խմորից գնդիկներ պատրաստել և դնել յուղաթղթով ծածկված ջեռոցի ամանի մեջ:

Թխել 170 ջերմաստիճանում 10-15 րոպե:

Բարի ախորժակ