Անչափ համեղ և գունեղ լահմաջոյի հրաշալի բաղադրատոմս, որի համից պարզապես չեք կշտանա

Բաղադրիչներ
Խմորի պատրաստման համար անհրաժեշտ է`
280 գր. ալյուր
5 գր. խմորիչ
1 ճ. գ. շաքարավազ
1 թ. գ. աղ
3 ճ. գ. ձիթապտղի յուղ
130 մլ. ջուր

Միջուկի պատրաստման համար անհրաժեշտ է`

3 հ. լոլիկ

1 հ. սոխ

150 գ. դեղին պղպեղ

150 գ. կարմիր պղպեղ

30 գ. կծու պղպեղ

250 գ. աղացած միս

1 ճ. գ տոմատի մածուկ

2 պճեղ սխտոր

1 թ. գ. աղ       

¼ թ. գ. սև պղպեղ

1 թ. գ. պապրիկա

2, 3 թև կանաչ սոխ, մաղադանոս և սամիթ

Պատրաստման եղանակը

Խմորի պատրաստման համար ալյուրին ավելացնել խմորիչը, շաքարավազը, աղը և լավ խառնել: Ավելացնել ձիթապտղի յուղ, ջուր և թողնել 35-40 րոպե տաք տեղ:

Միջուկի պատրաստման համար կտրատել լոլիկները, պղպեղները և սոխի հետ հարել հարիչով այնպես, որ ստացվեն մանր խորանարդիկներ:

Ստացված զանգվածը լցնել աղացած մսի վրա, ավելացնել տոմատի մածուկ, սխտոր, աղ, սև պղպեղ, պապրիկա, կանաչ սոխ, մաղադանոս, սամիթ և լավ խառնել:

Խմորը բաժանել 8 հավասար մասերի, բացել գրտնակով և տորտիլաների տեսք տալ:

Հավասար և բարակ շերտով միջուկը տարածել տորտիլաների վրա:

Ստացված լահմաջոները դնել նախապես 230°C տաքացրած ջեռոցում և թողնել 10 րոպե:

Հանելուց հետո մի քանի րոպե ծածկել կտորով, որպեսզի լահմաջոները լինեն փափուկ:

Դե ինչ՝ բարի ախորժակ