Այս ուտեստը կհագեցնի ողջ ընտանիքին: Կարտոֆիլով և սնկով ջեռեփուկ

Բաղադրիչներ

5 խոշոր կարտոֆիլ

500 գ աղացած միս

1 գլուխ սոխ

2 ձու

աղ

սև և կարմիր պղպեղներ

0,5 թ/գ սխտոր

12 հատ սունկ

1 ճ/գ կարագ

150 գ պանիր

300 մլ սերուցք

Պատրաստման եղանակը

Կարտոֆիլն անցկացնել քերիչով, ջուր լցնել և թողնել 5-6 րոպե

Քամել ջուրը, ավելացնել ձու, 0,5 գլուխ սոխ, աղ, սև պղպեղ և լավ խառնել

Աղացած մսին ավելացնել աղ, սև պղպեղ, սիրելի համեմուներ, 0,5 գլուխ մանրացրած սոխ, լավ խառնել և կոտլետներ ձևել

Թավայի մեջ ձեթ լցնել, 1-2 ճ/գ կարտոֆիլ դնել, շրջանի ձև տալ, 1 կոտլետ դնել

Ծածկել կարտոֆիլով և 2 կողմից տապակել

Սունկը շրջանաձև կտրատել` տապակել կարագով: Համեմել աղով, սև և կարմիր պղպեղներով, ավելացնել սխտորի փոշի

Ավելացնել սերուցք, քերած պանրի մի մասը, լավ խառնել, թողնել եռա և վերցնել կրակից

Կաղապարի մեջ ձեթ քսել, կարտոֆիլները շարել, լցնել սունկը, ծածկել փայլաթիթեղով և դնել 200°С տաքացրած ջեռոցում 25 րոպե

Հանել ջեռոցից, քերած պանիր ավելացնել և ևս 10 րոպե թողնել ջեռոցում

Կարող եք մատուցել )))

Բարի ախորժակ