Այս ուտեստը կլրացնի և էլ ավելի կգեղեցկացնի ձեր ընթրիքի սեղանը: Լցոնած պղպեղ` սոուսով

Բաղադրիչներ

6 պղպեղ

1 գլուխ սոխ

2 լոլիկ

600 գ պանիր Ֆետա

200 գ պանիր` ըստ ճաշակի

3 ձու

½ սև պղպեղ

1 թ/գ օրեգանո

Սոուսի համար`

40 գ կարագ

20 մլ ձիթայուղ

2 ճ/գ ալյուր

700 մլ կաթ

աղ

սև պղպեղ

մշկընկույզ

Պատրաստման եղանակը

2 տեսակի պանիրները խառնել իրար, ավելացնել 3 ձու, խորանարդաձև կտրատած սոխ, լոլիկ, սև պղպեղ, օրեգանո և լավ խառնել

Ստացված զանգվածով լցոնել պղպեղները և դնել հրակայուն տարայի մեջ

Սոուսի պատրաստման համար անհրաժեշտ է թավայի մեջ կարագ դնել, ավելացնել ձիթայուղ, ալյուր, խառնելով՝ 2 րոպե թողնել թույլ կրակին

Ավելացնել 500 մլ տաք կաթ և անընդհատ խառնելով հասցնել եռման աստիճանի

Եռալուց հետո ևս 200 մլ տաք կաթ, աղ, սև պղպեղ և մշկընկույզ ավելացնել, թողնել 3 րոպե

Լցնել պղպեղների վրա, ծածկել փայլաթիթեղով և դնել 200°С տաքացրած ջեռոցում 30 րոպե

Հանել փայլաթիթեղը և ևս 15 րոպե թողնել ջեռոցում

Զարդարեք մաղադանոսով և մատուցեք )))

Բարի ախորժակ