Այս բաղադրատոմսը կարող է ցանկացած պահի անհրաժեշտ լինել: Խոզի բդի մարինացման և պատրաստման հրաշալի բաղադրատոմս

Բաղադրիչներ

6,5 կգ խոզի բուդ

6 լ ջուր (պետք է ծածկի բուդը)

8-10 ճ/գ աղ (1 լ ջրին`1,5-2 ճ/գ)

4-5 հատ դափնու տերև

1 տուփ հատիկավոր սև պղպեղ(1 լիքը բուր)

20-25 հատ բահար

5-6 հատ հիլ

3-4 գլուխ սոխ

1-2 գլուխ սխտոր

1 գազար

Աղ

Սև պղպեղ

Կարմիր պղպեղ

թթվաասեր

Պատրաստման եղանակը

Բուդը բոլոր կողմերից ինչքան հնարավոր է խորությամբ ծակծկել, թողնել մի կողմ

Առանձին, միջին չափի կաթսայի մեջ ջուր լցնել, ավելացնել դափնու տերև, հիլ, բահար(օգտագործել համեմունքների մի մասը, մնացածը թողնել սառը ջրի համար ) և եռացնել: Թողնել հովանա և լցնել 6 լ սառը ջրի մեջ։ Ավելացնել մնացած համեմունքները, աղը, խառնել այնքան, որ աղը լուծվի

Բուդը դնել համեմված ջրի մեջ, թողնել սառը տեղ կամ սառնարանում` 24 ժամ (10 ժամ անց կարելի է միսը շրջել մյուս կողմի վրա, որպեսզի հավասարապես մարինացվի)

24 ժամ անց թափել ջուրը, բուդը թողնել կաթսայի մեջ մոտ 1 ժամ, որպեսզի արնաջուրը լավ դուրս գա, որից հետո չորացնել, համեմել աղով, պղպեղներով

Սոխը մանրացնել և ճզմել մսի վրա, սխտորները երկարությամբ կտրատել, գազարը կտրատել և դնել բդի վրա արված անցքերի մեջ

Ծածակել, մի քանի ժամ դնել սառը տեղ, որից հետո փաթաթել փայլաթիթեղով, դնել 180°С տաքացրած ջեռոցում

Պատրաստ լինելուն պես հանել, ամբողջ բուդը պատել թթվասերի և կարմիր քաղցր պղպեղի խառնուրդով և ևս 10-15 րոպո դնել ջեռոցում

Պատրաստ է, կարելի է մատուցել )))

Բարի ախորժակ