Ամենահամեղ «Կեր ու սուս»-ը ձեր ընթրիքի սեղանին

Բաղադրություն

800 գ հորթի միս

500 գ բուլղարական պղպեղ

1 հատ կծու պղպեղ

170 գ մարինացված ոլոռ

800 գ կարտոֆիլ

400 գ սոխ

30 գ համեմ

30 գ մաղադանոս

½ թ/գ սև պղպեղ

1 թ/գ չորացրած ռեհան

1,5 թ/գ աղ

4 ճ/գ բուսայուղ

30 գ կարագ

Պատրաստման եղանակը      

Հորթի միսը կտրատել երկարությամբ, տապակել 2 ճ/գ բուսայուղի մեջ՝ 4-5 րոպե բարձր ջերմության վրա, այնուհետև ևս 5 րոպե տապակել ցածր ջերմության վրա

Մեկ այլ թավայի մեջ 30 գ կարագ դնել, ավելացնել երկարությամբ կտրատած կարտոֆիլը, թողնել մինչև մի փոքր կկարմրի

Առանձին տապակել սոխը` 5 րոպե, ավելացնել երկարությամբ կտրատած բուլղարական պղպեղը, կծու պղպեղը, թողնել ևս 5 րոպե, այնուհետև ավելացնել մարինացված ոլոռը, տապակած միսը: Համեմել չորացրած ռեհանով, աղով, սև պղպեղով

Ավելացնել տապակած կարտոֆիլը, լավ խառնել, ավելացնել համեմ և մաղադանոս

Պատրաստ է։ Կե՜ր ու սուս )))

Բարի ախորժակ