Ախորժելի և հյութեղ կիևյան կոտլետներ

Բաղադրությունը

100-120 գ հավի կրծքամիս (1 կոտլետի համար),

25-30 գ կարագ (1 կոտլետի համար),

սամիթ և մաղադանոս (ըստ ճաշակի),

սղ և սև պղպեղ (ըստ ճաշակի),

2 ատամիկ սխտոր,

կիտրոնի հյութ և ցեդրա (ըստ ճաշակի),

պաքսիմատ (ալյուր, 2 ձու, չորահաց, կաթ՝ 3 կոտելետի համար 1 ճաշի գդալ),

ձեթ:

Պատրաստման եղանակը

Կարագի վրա ավելացնել ճզմված սխտորը, կիտրոնի ցեդրան և հյութը, մի փոքր աղ և մանր կտրատված կանաչի, լավ խառնել: Զանգվածը լցնել սննդային տոպրակի վրա և փաթաթել, մոտ 20-30 րոպե թողնել սառցախցիկում:

Հավի կրծքամիսը երկայնքով կտրել և լավ ծեծել, մի փոքր աղով և սև պղպեղով համեմել:

Սառցախցիկից հանել կարագով պատրաստված զանգվածը, դրանից մի կտոր կտրել, դնել հավի կրծքամսի ծայրային հատվածում, փաթաթել և կոտլետի տեսք տալ:(Ավելի հեշտ պատրաստելու համար ձեռքերը ժամանակ առ ժամանակ թրջել)

Պաքսիմատի համար ձվի մեջ կաթ ավելացնել և հարել:

Կոտլետը նախ թաթախել ալյուրի մեջ, հետո ձվի, ապա չորահացի, կրկին ձվի և չորահացի մեջ:

Թավայի մեջ առատ ձեթ լցնել, տաքացնել, և հետո նոր կոտլետները տապակել մոտ 5 րոպե: Պատրաստի կոտլետները դնել ջեռոցի ձևամանի կամ թավայի մեջ : Ուղարկել նախապես 180 աստիճան տաքացված ջեռոցը մոտ 15-20 րոպե:

Վերջ, կարող ենք վայելել կոտլետները:

Բարի ախորժակ