Հավի մսով ուտեստ

Հավի տապակած միսը՝ խրթխրթան մակերեսով, հյութեղ և հագեցնող ուտեստ է Ձեր սեղաններին:

Բաղադրիչներ

4 հատ հավի բուդ
220 գ բրինձ
250 գ գազար
150 գ նեխուր
1 հատ սոխ
10 գ կանաչ սոխ
2 ատամիկ սխտոր
1 ճաշի գդալ ուրց
1 թեյի գդալ ռոզմարին
1 ճաշի գդալ լիմոնի հյութ
800 մլ ջուր կամ արգանակ
0.5 թեյի գդալ սև պղպեղ
1 թեյի գդալ պապրիկա կամ կարմիր պղպեղ
2 ճաշի գդալ բուսայուղ
3 թեյի գդալ աղ

Պատրաստման եղանակը

1 Հավի բդիկները տապակել բուսայուղի մեջ, մինչև կարմրելը:

2 Վրան ցանել աղ և կարմիր պղպեղ, տապակել մինջին կրակի վրա 5 րոպե: Շրջել հակառակ կողմը, և տապակել ևս 5 րոպե:

3 Սոխը մանր կտրատել, տապակել մսի բուսայուղի մեջ, որ համեմվի:

4 Ավելացնել կտրատված գազարը և նեխուրը: Ավելացնել մի փոքր բուսայուղ, և շոգեխաշել միջին կրակի վրա 2 րոպե: Կափարիփով ծածկել թավան, թողնել թույլ կրակի վրա ևս 10 րոպե:

5 Ավելացնել 1 թեյի գդալ աղ, սև պղպեղ, ռոզմարին, ուրց, ճզմած սխտորը և լիմոնի հյութը:

6 Լավ խառնել, ավելացնել բրինձը, թողնել միջին կրակի վրա 2 րոպե:

7 Ավելացնել ջուրը, տապակած հավի մսերը շարել թավայի մեջ, թողնել մինչև եռռալը: Եփել 30 րոպե:

8 Ավելացնել վրան կանաչ սոխը, և մատուցել:

Բարի ախորժակ:
Պատրաստվում ենք սիրով: