Վիենական լիմոնով թխվածքի ամենապարզ և համեղ բաղադրատոմսը

Բաղադրիչներ

Խմորի համար`

2 ձու

80 գ շաքավազ

150 գ կարագ

մի պտղունց աղ և վանիլին

320 գ ալյուր

1 թ/գ փխրեցուցիչ

50 մլ կաթ

Միջուկի համար`

3 լիմոն

2-3 խնձոր կամ նարինջ

30 գ եգիպտացորենի օսլա

200 գ շաքարավազ

Պատրաստման եղանակը

Ալյուրը, փխրեցուցիչը, շաքարավազը, աղը, վանիլինը խառնել իրար, ավելացնել կարագ (սառը վիճակում քերիչով անցկացնել), և տրորել, մինչև ստացվի ավազի պես զանգված

Խմորի կենտրոնում փոսիկ անել, կոտրել ձուն, լցնել կաթ և խմոր հունցել (պետք է ստացվի չկպչուն, փափուկ խմոր)

Խմորը կիսել, մեկ մասը դնել պոլիէթիլենի մեջ, դնել սառցարանում

Կաղապարի մեջ (20*30) սննդային թուղթ փռել, ձեթ քսել, խմորի 2-րդ կեսը, տարածել կաղապարի երկայնքով և դնել սառնարանում՝ մինչ միջուկի պատրաստ լինելը

Միջուկի համար` կաթսայի մեջ քերել կիտրոնի կեղևի միայն դեղին շերտը, իսկ միջուկը բլենդերով կամ մսաղացավ մանրացնել, ավելացնել կեղևին

Խնձորը կեղևահան անել, քերիչով անցկացնել և ավելացնել կիտրոնին

Ավելացնել շաքարավազ, օսլա, լավ խառնել և դնել կրակին, անընդհատ խառնել մինչև թանձրանա և եռա

Սառցարանից հանել խմորը, մի փոքր քերել կաղապարում տեղավորած խմորի վրա. ավելացնել լիմոնով միջուկը

Մնացած սառը խմորը քերել, ավելացնել լիմոնի վրա, դնել նախապես 180°C տաքացրած ջեռոցում 35-40 րոպե

Շաքարի փոշի ցանեք և մատուցեք )))

Բարի ախորժակ