Համեղ, արագ և գեղեցիկ։ Շոկոլադի և թխվածքաբլիթի հիանալի համադրությամբ տորթ՝ առանց ջեռոցի

Բաղադրություն

800 գր․թխվածքաբլիթ

100 գր․ ընկույզ

200 գր․շաքարավազ

60 գր․ կակո

240 մլ․ ջուր

150 գր․ կարագ

Գանաշի համար՝

120 գր․ մուգ շոկոլադ

220 գր սերուցք (30%)

Պատրաստման եղանակը՝

Կտրատել թխվածքաբլիթները

Ընկույզը բովել մոտ 5 րոպե և ավելացնել թղվածքաբլիթներին

Առանձին կաթսայի մեջ լցնել շաքարավազը, կակաոն, խառնելով աստիճամաբար ավելացնել ջուրը և կարագը, դնել գազօջախին և մոտ 7 րոպե խառնել մինչև եռա

Թողնել 15 րոպե հովանա, ավելացնել թխվածքաբլիթներին և լավ խառնել

Պետք է ստացվի խիտ շոկոլադե խառնուրդ՝ թխվածքաբլիթների կտորներով

Տեղափոխել խմորեղենի համար նախատեսված տարայի մեջ, գդալով հավասար և ամուր տարածել և 30-60 րոպե թողնել սառնարանում

Գանաշի պատրաստման եղանակը՝

Թավայի մեջ լցնել սերուցքը, թողնել եռա, վերցնել գազօջախից, լցնել մուգ շոկոլադի վրա և լավ խառնել այնքան, մինչև կստացվի միասեռ և առանց գնդիկների զանգված

Ստացված զանգվածը լցնել արդեն պատրաստ խմորեղենի վրա և հավասար տարածել

Զարդարել բանանի կտորներով և ընկույզով

Ահա և վերջ՝ արագ, գեղեցիկ և անչափ համեղ