Հիանալի նախուտեստ լոլիկից. մարինացնում ենք նոր և դյուրին բաղադրատոմսով

Լոլիկով նախուտեստ

Բաղադրիչներ
50 մլ բուսայուղ
30 մլ ջուր
25 մլ քացախ
3 ճաշի գդալ շաքարավազ
1 ճաշի գդալ աղ
1 հատ կարմիր քաղցր պղպեղ
1/2 հատ կարմիր կծու պղպեղ
6 ատամիկ սխտոր
20 գ սամիթ
20 գ մաղադանոս
700 գ լոլիկ

Պատրաստման եղանակը

Բաուսայուղի մեջ միաժամանակ ավելացնել քացախը և ջուրը:

Ավելացնել աղը և շաքարավազը: Լավ խառնել, և թողնել մինչև բաղադրիչների պատրաստ լինելը:

Կարմիր քաղցր պղպեղը անցկացնել քերիչով, իսկ կծու պղպեղը մանր կտրատել:

Ավելացնել ճզմած սխտորը:

Կանաչիները շատ մանր կտրատել:

Լոլիկները բաժանել 6-8 մասերի:

Լոլիկի վրա ավելացնել կանաչին, լցնել մարինադը և աղացած պղպեղը:

Շարունակել նույն սկզբունքով բոլոր շերտերի համար:

Ծածկել կափարիչով, թողնել սառնարանում 8 ժամ:

Բարի ախորժակ:
Պատրաստում ենք սիրով: