Սմբուկով ռոլեր
Այս հրաշալի սմբուկով ռոլերը ոչ միայն կզարմացնեն Ձեզ իրեց անմոռանալի համով, այլև կդառնան Ձեր սեղանի զարդը:
Բաղադրիչներ
- 4-5 հատ սմբուկ
- 200 գ ընկույզ
- 1 փունջ համեմ
- 10 ատամիկ սխտոր
- 2 ճաշի գդալ խաղողի քացախ
- 2 թեյի գդալ խմելի–սունելի
- 2 թեյի գդալ աղացած համեմի սերմ
- 0.5 թեյի գդալ շաֆրան
- 1 թեյի գդալ աղ
- կծու կարմիր պղպեղ (ըստ ճաշակի)
- նուռ
Պատրաստման եղանակը
Միջուկի համար
- Ընկույզը մսաղացով անցկացնել կամ բլենդերով հարել:
- Համեմը մանրացնել և առանձին մսաղացով անցկացնել կամ հարել բլենդերով:
- Այնուհետև ավելացնել սխտորը, կարմիր կծու պղպեղը:
- Ստացված զանգվածները խառնել իրար, ավելացնել աղ, խմելի-սունելի, խաղողի քացախ, աղացած համեմի սերմ, շաֆրան:
- Եթե միջուկը չոր է ստացվել, կարող եք մի փոքր ջուր ավելացնել և խառնել:
- Սմբուկը երկարությամբ կտրատել:
- Կտրատված սմբուկների վրա աղ ցանել, և թողնել մինչև թավայի տաքանալը:
- Կտրատված սմբուկները բուսայուղով տապակել՝ նախապես տաքացված թավայի մեջ, ամեն կողմից 4-5 րոպե:
- Սմբուկի տապակած շերտերի վրա 1 թեյի գդալ միջուկ քսել, և ոլորել:
- Շարել ամանի մեջ և ձևավորել նռան հատիկներով:
- Որպեսզի համը ավելի արտահայտիչ լինի, ցանկալի է մի քանի ժամ պահել սառնարանում:
Բարի ախորժակ: