«Թռչնի կաթ» անչափ համեղ կրեմով

Բաղադրությունը

• Խմոր

160 գ ալյուր,

230 գ շաքարավազ,

50 գ կակաո,

130 գ կարագ,

3 հատ ձու,

1/3-1/2 թեյի գդալ սոդա,

1 թեյի գդալ փխրեցուցիչ:

• Կրեմ

75 գ սպիտակաձավար (манная крупа),

500 մլ կաթ,

120 գ շաքարավազ,

200 գ կարագ,

1 հատ մեծ լիմոն:

• Ջնարակ (глазурь)

50 գ շոկոլադ,

30 գ կարագ:

Պատրաստման եղանակը

Ալյուրը, սոդան, փխրեցուցիչը, կակաոն խառնել և մաղել:

Կարագը հալեցնել: Ձուն և շաքարավազը հարել, մաս-մաս ավելացնել կարագը և շարունակել հարել:

Դրանից հետո մաս-մաս ավելացնել ալյուրով զանգվածը և խառնել, մինչև միասեռ զանգված ստանալը:

Ստացվում է բավականին խիտ խմոր:

Ձևամանի (24 սմ) հատակին յուղաթուղթ փռել, իսկ կողքերին կարագ քսել, և ալյուր շաղ տալ:

Խմորը լցնել ձևամանի մեջ, տարածել և թխել 180 ջերմաստիճանում մոտ 40 րոպե:

Պատրաստի տորթը թողնել, որ հովանա, իսկ հետո բաժանել 2 հավասար մասի:

Կրեմը պատրաստելու համար լիմոնը դնել շատ տաք ջրի մեջ և այդպես թողնել որոշ ժամանակ:  

Սպիտակաձավարը լցնել կաթի մեջ և եփել, մինչև լավ կխտանա: Եփվելուց հետո թողնել, որ հովանա:

Լիմոը հանել ջրից, չորացնել, և քերիչով անցկացնել կեղևի վերին շերտը, իսկ կեղևի մնացած շերտ մաքրել: Լիմոնի կտորների վրայի սպիտակ թաղանթը ևս հեռացնել, և կտորները էլեկտրական հարիչով (блендер) հարել՝ կամաց-կամաց ավելացնելով շաքարավազը, մինչև միասեռ զանգված ստանալը:

Այս զանգվածին ավելացնել հնդկաձավարը, լիմոնի ցեդրան և հարել:

Առանձին հարել կարագը, մաս-մաս ավելացնել մեր խառնուրդը և անընդհատ հարել:

Կրեմը հաստ շերտով քսել տորթի շերտի վրա, դնել մյուս շերտը, և տորթը 1-2 ժամ թողնել: սառնարանում:

Պատրաստել ջնարակը ու քսել տորթի վրա:

Տորթը մի քանի ժամ նորից թողնել, որ կրեմը և ջնարակը ներծծվեն:

Բարի ախորժակ