Սմբուկով նախուտեստ

1 ժամ 15 րոպե

Ձեզ երևի կհետաքրքրի, թե ինչու ենք պատրաստման ընթացքում միմյանց խառնում ձուն և սմբուկը: Դրա շնորհիվ է, որ սմբուկը տապակելու ընացքում շատ ձեթ չի ներծծում:

Բաղադրիչներ

2-3 հատ սմբուկ
2 հատ ձու
200 գ ընկույզ
ջուր
100 գ մայոնեզ
4-5 ատամիկ սխտոր
թարմ համեմ
1/4 հատ սոխ
2 ճաշի գդալ լիմոնի հյութ
1 թեյի գդալ աղ
1/2 թեյի գդալ խմելի-սունելի
1/2 թեյի գդալ համեմի սերմ
ձեթ

Պատրաստման եղանակը

1 Սմբուկը շրջաններով կտրել: Ամանի մեջ 1 լ ջուր և 1 թեյի գդալ աղ լցնել: Սմբուկները լցնել այդ ամանի մեջ և 30 րոպե թողնել: Դրանից հետո ջուրը դատարկել, իսկ սմբուկի վրայից թղթե անձեռոցիկի միջոցով մաքրել ավելորդ խոնավությունը:

2 Սմբուկը և ձուն խառնել և 10-15 րոպե թողնել:

3 Ընկույզով միջուկը պատրաստելու համար բլենդերի մեջ լցնել 100 մլ ջուր, ավելացնել սոխ, թարմ համեմ, լիմոնի հյութ, սխտոր, մայոնեզ, ընկույզ, աղ, համեմունքներ և հարել: Պատրաստի միջուկը դնել սառնարանում, որպեսզի այն խտանա:

4 Սմբուկի կտրոները 2 կողմից տապակել, դնել թղթե անձեռոցիկի վրա:

5 Սմբուկի յուրաքանչյուր կտորի վրա միջուկ քսել, և կտորը մեջտեղից ծալել:

Բարի ախորժակ