Թաց թխվածքաբլիթներ

Յուրահատուկ և շատ համեղ այս թխվածքաբլիթները կդառնան Ձեր ամենասիրելի բաղադրատոմսերից մեկը:

Բաղադրիչներ

100 գր կարագ (սենյակային ջերմաստիճանի)
100 մլ բուսական յուղ
100 գր շաքարավազ
1 հատ ձու
3 ճաշի գդալ կակաո
10 գր վանիլային շաքար
10 գր փխրեցուցիչ
400 գր ալյուր
1 պտղունց աղ

Օշարակ

200 մլ ջուր
200 գր շաքարավազ

Շոկոլադային ջնարակ

40–50 գր շոկոլադ
10–20 գր կարագ

Պատրաստման եղանակը

1 Կարագին ավելացնել բուսական յուղ, խառնել, ավելացնել ձու, շաքարավազ, վանիլային շաքար և աղ, հարել:

2 Մաղել ալյուրը, կակաոն, ավելացնել փխրեցուցիչ, և հունցել խմորը:

3 Խմորից գնդիկներ ձևավորել, շարել յուղաթերթի վրա, եփել ջեռոցում 180°C ջերմաստիճանում մոտ 25 րոպե: Եփելուց հետո անջատել ջեռոցը, և բլիթները թողել ջեռացում ևս մի քանի րոպե:

4 Օշարակի համար շաքարավազը և ջուրը խառնել, եռացնել 2–3 րոպե, հանել կրակի վրայից, թողնել, որ սառչի:

5 Թխվածքաբլիթները ընկղմել օշարակի մեջ 5–10 վայրկյան:

6 Ջնարակի համար շոկոլադը և կարագը հալեցնել գոլորշու վրա, խառնել և լցնել թխվածքաբլիթների վրա:

Բարի ախորժակ