Բանանով շոկոլադե թխվածք

Բաղադրությունը

• Խմոր

200 գ ալյուր,

200 գ շաքարավազ,

110 գ կարագ,

130 գ թթվասեր,

2 հատ ձու,

2 հատ բանան,

30 գ կակաո,

վանիլին,

1 թեյի գդալ սոդա,

կիտրոնաթթու,

ջուր:

• Գլազուր

30-50 գ կարագ

60 գ մուգ շոկոլադ:

Պատրաստման եղանակը

Շաքարավազը, վանիլինը և սենյակային ջերմաստիճանի կարագը լավ հարել: Ավելացնել թթվասեր և շարունակել հարել:

Ձուն հատ-հատ ավելացնել զանգվածին և հարել:

Մի փոքր ջուր վերցնել, մեջը լցնել սոդան, կիտրոնաթթուն, խառնել և ավելացնել զանգվածին, հետո կրկին հարել:

Մաղով անցկացնել ալյուրի մի մասը, հետո կակաոն, ավելացնել խառնուրդին և գդալով խառնել: Դրանից հետո ավելացնել ալյուրի մնացած մասն ու կրկին խառնել:

Ձևամանի հատակին յուղաթուղթ փռել, վրան ձեթ քսել ու խմորը լցնել: Բանանը կտրել և դնել խմորի վրա կամ էլ մի փոքր ներս հրել:

Թխել 180 ջերմաստիճանում մոտ 50-60 րոպե:

Թխվածքը թողնել , որ հովանա, այդ ընթացքում ջրային գոլորշու վրա պատրաստել գլազուրը և պատրաստ լինելուց հետո լցնել թխվածքի վրա:

Բարի ախորժակ