Համեղ սերուցքային սոուսով պատրաստված մակարոններ

Բաղադրությունը

250-300 գ երկարավուն տեսակի ցանկացած մակարոն,

300-350 գ հավի կրծքամիս,

250 գ շամպինիոն,

1 հատ սոխ,

3 ատամիկ սխտոր,

300 մլ սերուցք (10%),

4 ճաշի գդալ ձեթ,

25 գ կարագ,

100 գ պարմեզան,

մաղադանոս՝ ըստ ճաշակի,

աղ, սև պղպեղ՝ ըստ ճաշակի,

0.5 ճաշի գդալ աղ մակարոնը եփելու համար:

Պատրաստման եղանակը

Եռման ջրի մեջ ավելացնել 0.5 ճաշի գդալ աղ, ավելացնել մակարոնը և խաշել, մինչև գրեթե պատրաստ լինելը:

Սոխը, սունկը, հավի կրծքամիսը կտրատել, իսկ սխտորը կտրատել կամ ճզմել՝ ըստ ցանկության:

Մակարոնը պատրաստ լինելուց հետո ջուրը քամել և թողնել: Թավայի մեջ ձեթ լցնել, տաքացնել, ավելացնել հավի կտորները, հենց սպիտակի ավելացնել աղը և պղպեղը և տապակել, մինչև պատրաստ լինելը:

Պատրաստի հավն առանձնացնել մեկ այլ ամանի մեջ, իսկ թավայի մեջ կարագ դնել և սոխարած պատրաստել, և երբ սոխը ոսկեգույն երանգ սկսի ստանալ, ավելացնել սունկը, միասին տապակել: Տապակվելուց հետո ավելացնել սերուցքը: Երբ սերուցքը տաքանա, ավելացնել սխտոր, աղ , սև պղպեղ և լավ խառնել: Այնուհետև ավելացնել հավի կտրոները, նախապես կտրատված մաղադանոսը, մակարոնը և լավ խառնել: Թողնել 7-8 րոպե այդպես եփվի:

Քերիչով անցկացնել պանիրը և շաղ տալ պատրաստի ուտեստի վրա:

Բարի ախորժակ