Տորթ «Ռաֆաելլո»

Նուրբ և անուշահամ տորթ իդեալական բիսկվիթով և սերուցքային կրեմով:

Բաղադրիչներ

Խմոր

5 հատ ձու
160 գր շաքարավազ
1-2 թեյի գդալ վանիլային շաքար
1 պտղունց աղ
70 գր նուշ
150 գր ալյուր
1 թեյի գդալ փխրեցուցիչ

Կրեմ

150 գր սպիտակ շոկոլադ
500 մլ սերուցք (33-35%)
250 գր սերուցքային պանիր
70 գր կոկոսի փաթիլներ

Օշարակ

50 գր շաքարավազ
100 մլ ջուր
2 ճաշի գդալ կիտրոնի հյութ

Ձևավորման համար

10–12 հատ կոնֆետ
70 գր կոկոսի փաթիլներ

Պատրաստման եղանակը

Խմոր

1 Նշի վրա եռման ջուր լցնել, մի քանի րոպե թողնել, այնուհետև քամել և դանակի օգնությամբ կեղևազրկել:

2 Դնել ջեռոցում 15–20 րոպե 180°C ջերմաստիճանում, այնուհետև հանել և մանրեցնել (կարելի է անցկացնել մանր անցքերով քերիչով):

3 Ձուն, շաքարավազը, վանիլային շաքարը և աղը հարել մոտ 6–7 րոպե, մինչև փրփրի:

4 Մեկ այլ տարայի մեջ խառնել ալյուրը, նուշը և փխրեցուցիչը: Աստիճանաբար ավելացնել ձվով զանգվածին և խոհարարական գդալի օգնությամբ խառնել (միայն մեկ ուղղությամբ):

5 Նախապես տաքացնել ջեռոցը մինչև 180°C ջերմաստիճանը: Ձևամանի մեջ յուղաթերթ դնել, լցնել խմորը և եփել 30 րոպե:

6 Բիսկվիթը բաժանել երեք շերտի:

Կրեմ

1 Առանձին տարաների մեջ հարել սերուցքը և սերուցքային պանիրը: Սերուցքային պանրին ավելացնել շոկոլադը, խառնել, այնուհետև ավելացնել սերուցքը և լավ հարել:

2 Ձևավորման համար ստացված կրեմի 1/3 մասը առանձնացնել, փակել սննդային տոպրակով և դնել սառնարանում: Մնացած մասին ավելացնել կոկոսի փաթիլները և լավ խառնել:

Օշարակ

1 Բոլոր բաղադրիչները խառնել, տաքացնել կրակի վրա մինչև շաքարավազի լուծվելը, հանել կրակի վրայից և թողնել, որ սառչի:

Պատրաստման վերջին փուլ

1 Բիսկվիթի շերտերը օշարակով թրջել, վրան կրեմ քսել և իրար վրա շարել:

2 Տորթը պատել նախապես առանձնացրած կրեմով, վրան կոկոսի փաթիլներ լցնել, և շարել կոնֆետները:

Բարի ախորժակ