Աղացած մսով ուտեստ

Այս հյութալի և անուշահամ ուտեստը պատրաստելու համար մեծ ջանքեր չեն պահանջվում: Արդյունքը ոչ ոքի անտարբեր չի թողնի:

1 1 հատ սոխը մանր կտրատել, ավելացնել աղացած միս, ձու, համեմել աղով և պղպեղով, լավ խառնել:

2 Սունկը և 1 հատ սոխը կտրատել: Սոխը տապակել մի քանի րոպե, այնուհետև ավելացնել սունկը:

3 Երբ սունկը տապակվի, ավելացնել աղ, թթվասեր, խառնել և տապակել ևս 2–3 րոպե:

4 Ձևամանի մեջ բուսական յուղ քսել: Աղացած մսից գնդիկներ ձևավորել, շարել ձևամանի մեջ: Մեջտեղում ոչ մեծ փոս անել, և լցնել սունկը:

5 Եփել ջեռոցում մոտ 30 րոպե 180°C ջերմաստիճանում: Հանել, վրան լցնել քերիչով անցկացրած պանիրը և դնել ջեռոցում ևս 5–7 րոպե:

Բարի ախորժակ