Սմբուկով ուտեստ

Հետաքրքիր տարբերակ սմբուկով ուտեստ պատրաստելու համար: Այն ախորժելի տեսք ունի և շատ հյութալի է:

Բաղադրիչներ

2 հատ սմբուկ
300 գր հավի փափկամիս
200 գր չերրի լոլիկ
2 ճաշի գդալ բուսական յուղ
1 ճաշի գդալ կետչուպ կամ աջիկա
3 ճաշի գդալ սոյայի սոուս
2 ճաշի գդալ բուսական յուղ
1 ճաշի գդալ կիտրոնի հյութ
աղ
աղացած սև պղպեղ
կարմիր պղպեղ

Պատրաստման եղանակը

1 Փայտիկները թրջել 10–15 րոպե:

2 Հավի փափկամիսը բարակ կտրել: (մոտ 5–7 մմ հաստությամբ)

3 Յուրաքանչյուր կտորը «ծեծել» երկու կողմից:

4 Տեղափոխել տարայի մեջ, ավելացնել աջիկա, սոյայի սոուս, բուսական յուղ, կիտրոնի հյութ, համեմել աղով և պղպեղով: Խառնել, փակել տարան և թողնել, որ մարինացվի:

5 Սմբուկները բարակ կտրել, վրան աղ լցնել և թողնել 10–15 րոպե: Առաջացած հյութը մաքրել անձեռոցիկով կամ լվանալ:

6 Յուրաքանչյուրի վրա բուսական յուղ քսել և տապակել բարձր կրակի վրա մինչև կիսաեփված դառնալը:

7 Սմբուկը, մարինացված միսը և լոլիկը շարել փայտիկի վրա: (եթե լոլիկը մեծ է, կարելի է կիսել)

8 Եփել ջեռոցում 15–20 րոպե 180°C ջերմաստիճանում:

Բարի ախորժակ