Բանջարեղենային աղցան կորեական տարբերակով

Գունեղ, թեթև բանջարեղենային այս աղցանն ամառային ամենագրավիչ ուտեստներից մեկն է:

Կաղամբը, վարունգը, շաղգամը և բուլղարական պղպեղը բարակ, երկարավուն կտրատել: Սոխը կտրատել կիսալուսնաձև, գազարը անցկացնել քերիչով (կորեական)։
Ավելացնել մանրեցված սխտորը, համեմի սերմերը, կարմիր և սև պղպեղները։
Տաքացնել բուսական յուղը և լցնել աղցանի վրա։
Ավելացնել աղ, շաքարավազ, քացախ և լավ խառնել։

Աղցանի յուրահատուկ համը ապահովում են տաքացրած բուսական յուղն ու համեմի սերմերը: Եթե ցանկանում եք, կարող եք ավելացնել նաև մի փոքր քունջութ: