Շոկոլադային տորթ

Բաղադրիչներ

Խմոր

100 գր շաքարավազ
2 հատ ձու
400 մլ մածուն կամ կեֆիր
1 թեյի գդալ սոդա
100 մլ բուսական յուղ
3 ճաշի գդալ կակաո
2 բաժակ ալյուր

Կրեմ

300 գր թթվասեր (բարձր յուղայնությամբ)
0.5 տուփ խտացրած կաթ (+1 ճաշի գդալ օշարակի համար)

Լրացուցիչ

40 գր շոկոլադ
20 գր սերուցք

Պատրաստման եղանակը

1 Ձուն 2 րոպե հարել, ավելացնել շաքարավազը և հարել, մինչև որ դառնա սպիտակ զանգված:

2 Սոդան խառնել մածունի հետ և լցնել ձվով զանգվածի մեջ, ավելացնել բուսական յուղ և հարել:

3 Ալյուրը և կակաոն մաղել, աստիճանաբար ավելացնել խառնուրդին և հարել, մինչև դառնա համասեռ զանգված:

4 Խմորը լցնել յուղաթերթով ծածկված ձևամանի մեջ: Ջեռոցը տաքացնել մինչև 180C ջերմաստիճանը, և թխել խմորը մոտ 40 րոպե (կարելի է փայտիկով սրուգել՝ եփվել է արդյոք, թե՝ ոչ):

5 Հանել բիսկվիթը և թողնել, որ սառչի:

6 Թթվասերը և խտացրած կաթը հարել, մինչև որ դառնա փրփրուն զանգված: Օշարակի համար 1 ճաշի գդալ խտացրած կաթը լուծել 100 մլ ջրում:

7 Բիսկվիթը բաժանել 2 կամ 3 շերտի, յուրաքանչյուր շերտը թրջել օշարակով, և վրան կրեմ քսել:

8 Դնել տորթը սառնարանում մոտ 3–4 ժամ:

9 Շոկոլադը և սերուցքը հալեցնել գոլորշու վրա, խառնել, և զարդարել տորթը: