Իդեալական բիսկվիթով և նուրբ միջուկով ռուլետ

Ռուլետ

1 ժամ

Բաղադրիչներ

Խմոր

• 4 հատ ձու
• 80 գր շաքարավազ
• 10 գր վանիլինային շաքար
• 100 գր ալյուր
• 40 մլ կաթ
• 35 մլ բուսական յուղ
• 1 պտղունց աղ

Միջուկ

• 100 գր եփած խտացրած կաթ
• 150 գր թթվասեր

Լրացուցիչ

• Շաքարի փոշի

Պատրաստման եղանակը

1 Ձուն, շաքարավազը, վանիլինը և աղը հարել մոտ 10 րոպե ՝ աստիճանաբար ավելացնելով հարիչի արագությունը:

2 Ավելացնել բուսական յուղ, և սիլիկոնե կամ փայտե գդալով խառնել ներքևից վերև (գդալը պտտել միայն 1 ուղղությամբ): Ավելացնել կաթը և նորից խառնել: (Բոլոր բաղադրիչները պետք է լինեն սենյակային ջերմաստիճանի)

3 Ալյուրը մաղել և աստիճանաբար ավելացնել խառնուրդին՝ ամեն անգամ այն խառնելով:

4 Ստացված խմորը լցնել յուղաթերթով ծածկված ձևամանի մեջ, սիլիկոնե գդալով տարածել:

5 Նախապես տաքացնել ջեռոցը մինչև 180C ջերմաստիճանը, և խմորը դնել ջեռոցում մոտ 10-15 րոպե:

6 Միջուկի համար թթվասերը և եփած խտացրած կաթը հարել մի քանի րոպե:

7 Բիսկվիթը հանել ջեռոցից, մեկ այլ յուղաթերթի օգնությամբ պտտել, հանել վրայի յուղաթերթը:

8 Ծայրերը կտրել, և վրան սիլիկոնե գդալի օգնությամբ հավասարաչափ քսել միջուկը:

9 Զգուշությամբ պտտել բիսկվիթը, ամուր փաթաթել յուղաթերթով և դնել սառնարանում 30 րոպե:

10 Հանել, վրան լցնել շաքարի փոշի և բաժանել կտորների:

Կիսվել Facebook-ում