Ամառային կոտլետ

45 րոպե

Բաղադրիչներ

600 գրամ հավի փափկամիս
300 գրամ տավարի միս
350–400 գրամ դդմիկ
1–2 գրամ սոխ (1 հատ մեծ կամ 2 հատ փոքր)
1 հատ գազար (ոչ մեծ)
150 գրամ կարտոֆիլ
4–5 կտոր սպիտակ հաց
50 մլ կաթ
1 հատ ձու
2–3 ատամիկ սխտոր
2–3 կտոր կարագ
աղ
աղացած սև պղպեղ

Պատրաստման եղանակը

1 Աղալ (միջին չափի անցքերով ) 300 գրամ հավի փափկամիսը, տավարի միսը, դդմիկը, սոխը, գազարը և կարտոֆիլը:

2 Հացը թրջել կաթով, քամել և աղալ:

3 Մնացած 300 գրամ հավի փափկամիսը մանր կտրատել և ավելացնել աղացած բաղադրիչներին:

4 Ավելացնել ձուն, աղն ու սև պղպեղը, ճզմել սխտորը, և ամբողջը լավ խառնել: (զանգվածը պետք է ստացվի ավելի ջրալի, քան այլ կոտլետների համար նախատեսված աղացած զանգվածը, բայց եթե չափից շատ ջրալի է, ապա կարելի է մի քանի կտոր չոր հաց անցկացնել քերիչով և ավելացնել խառնուրդին)

5 Խոնավ ձեռքերով ձևավորել կոտլետները և տապակել երկու կողմից (պարտադիր չէ, որ կոտլետները ամբողջովին եփվեն):

6 Ջեռոցը տաքացնել մինչև 200 ֯C: Կոտլետները տեղափոխել խորը տարայի մեջ (ջերմակայուն), ավելացնել մի փոքր ջուր և մի քանի կտոր կարագ, փակել կափարիչով կամ փայլաթիթեղով և դնել ջեռոցը (մոտ 20 րոպե):