Այս պիցցայից հետո էլ ավելի կսիրեք դդմիկով ուտեստները

Դդմիկով պիցցա

Բաղադրիչներ

Խմոր

• 400-450 գ դդմիկ
• 1/2 թեյի գդալ աղ
• 4-5 ճաշի գդալ ալյուր
• 1 ճաշի գդալ թթվասեր

Միջուկ

• 1 հատ լոլիկ
• 80 գ երշիկ
• 1/3 հատ սոխ
• 80 գ պանիր
• 1 ատամիկ սխտոր
• ռեհան

Պատրաստման եղանակը

1 Դդմիկը քերիչով անցկացնել, համեմել աղով և խառնել: 5-10 րոպե թողնել, որ դդմիկների հեղուկը դուրս գա:

2 Քերված դդմիկը ճզմել, քամել, ավելացնել ձու,աղ, թթվասեր և ալյուր: Ստացվում է թանձր թթվասերի պես խմոր:

3 Թավայի մեջ ձեթ քսել, դդմիկով պատրաստված խմորը լցնել մեջը և փակ կափարիչով տապակել 10 րոպե միջին ուժգնությամբ կրակին:

4 Միջուկը պատրաստելու համար երշիկը և լոլիկը շրջանաձև կտրել: Պանիրը քերիչով անցկացնել: Սխտորը և ռեհանը մանր կտրատել: Սոխը բարակ կտրատել:

5 Դդմիկով լոշիկը պտտել և եփել նաև մյուս կողմը:

6 Միջուկը լցնել խմորի վրա (ռեհան, պանիր, լոլիկ, սոխ, երշիկ և պանիր հերթականությամբ): Կարելի է նաև այս փուլից լոշիկը շարունակել թխել ջեռոցի մեջ:

7 Թավայի մեջ մեկ ճաշի գդալ ջուր լցնել, թավան ծածկել կափարիչով, և պիցցան եփել, մինչև պանիրը կհալչի:

Կիսվել Facebook-ում