Ելակով թխվածք

Բաղադրիչներ

200 գ կաթնաշոռ
120 գ կարագ
2 հատ ձու (ձու+ սպիտակուց խմորի համար, դեղնուց՝ թխվածքի մակերեսին քսելու համար)
40-50 գ շաքարավազ
+/- 230 գ ալյուր
1 ճաշի գդալ օսլա
1 թեյի գդալ փխրեցուցիչ
1 պտղունց աղ
400 գ ելակ

Պատրաստման եղանակը

1 Կաթնաշոռը և փափուկ կարագը պատառաքաղով տրորել:

2 Ավելացնել ձուն և սպիտակուցը ու խառնել:

3 Ալյուրը մաղել, մի մասը լցնել կաթնաշոռով զանգվածի մեջ, ավելացնել փխրեցուցիչ, աղ և կրկին խառնել: Խառնելիս զուգահեռաբար ավելացնել ալյուրի մնացած մասը:

4 Այնուհետև խմորը ձեռքով տրորել: Ստացվում է փափուկ և ձեռքերին չկպչող խմոր:

5 Խմորը ծածկել և 20 րոպե դնել սառնարանում:

6 Միջուկի համար ելակը լվանալ և ոչ մեծ կտրոներով կտրել:

7 Խմորը հանել սառնարանից, տրորելով երշիկի տեսք տալ և բաժանել 8 հավասար մասի:

8 Յուրաքանչյուր մաս լոշիկի տեսքով գրդնակել (մոտ 15 սմ տրամագծով):

9 Յուրաքանչյուր լոշիկի մեջտեղում օսլա լցնել և հավասարեցնել: Սա նրա համար է, որ ելակի հյութը չծորա:

10 Օսլայի վրա դասավորել ելակների կտրոները, և լոշիկի ծայրերը միմյանց կպցնել, բայց այնպես, որ մեջտեղի հատվածը չփակվի: Մեջտեղի բաց հատվածում ելակի վրա 1 թեյի գդալ շաքարավազ լցնել:

11 Թխվածքների վրա դեղնուց քսել:

12 Թխել 180 ջերմաստիճանում մոտ 25 րոպե: Ջեռոցի ամանը նախապես ծածկել յուղաթղթով;

13 Մատուցելիս կարելի է թխվածքների վրա շաքարի փոշի շաղ տալ: