Հավի մսով և սնկով ուտեստ

1 ժամ 30 րոպե

Բաղադրիչներ

900 գ հավի փափկամիս
400 գ շամպինիոն
100 մլ խիտ սերուցք (20% կամ 30%)
100 գ պանիր
2 հատ սոխ
1 թեյի գդալ սխտորի փոշի
0.5 թեյի գդալ համեմունք նախատեսված հավի մսի համար
ձեթ
աղ

Պատրաստման եղանակը

1 Հավի կրծքամիսը լավ լվանալ և չորացնել, իսկ հետո կրծքամիսը երկայնքով բաժանել 2 մասի և «ծեծել»:

2 Կրծամիսը համեմել աղով, սխտորի փոշով և հավի մսի համար նախատեսված համեմունքով և թողնել, որ մարինացվի:

3 Սոխը մանր կտրատել և տապակել:

4 Այնուհետև ավելացնել կտրատված շամպինիոնը ու միասին տապակել:

5 Երբ այս զանգվածը գրեթե պատրաստ կլինի, ավելացնել սերուցք և աղ ու ևս մի քանի րոպե եփել: Այնուհետև ավելացնել քերված պանիրը և խառնել:

6 Փայլաթուղթը քառակուսաձև կտրել, հավի կրծքամիսը դնել մեջը, մսի մեջ լցնել սնկով միջուկը և մսով կոկիկ ծածկել՝ գունդ ստանալով: Այս ամենը վերջում ծածկել փայլաթղթով:

7 Եփել 190-200 ջերմստիճանում 40-45 րոպե:

8 Երբ ժամանակը լրանա, փայլաթուղթը բացել, և ևս 10 րոպե ուտեստը եփել ջեռոցում: