Հերթական համեղ շոկոլադե-մեղրային տորթը

Բաղադրությունը

Խմոր

• 3 հատ ձու,

• 1/4 թեյի գդալ աղ,

• 100 գ շաքարավազ,

• 2 ճաշի գդալ մեղր,

• 130 գ ալյուր,

• 20 գ կակաո,

• 2 թեյի գդալ փխրեցուցիչ:

Կրեմ

• 250 գ եփած խտացարած կաթ,

• 200-250 գ կարագ,

• վանիլին,

• շոկոլադ՝  տորթի վրա շաղ տալու համար:

Պատրաստման եղանակը

Ձուն, աղը և շաքարավազը հարել, մինչև փրփրուն զանգված կստացվի (մոտ 3 անգամ ծավալով շատ):

Ավելացնել մեղրը, և ևս 1 րոպե հարել: Եթե մեղրը պինդ է, ապա այն պետք է հալեցնել:

Ալյուրը, կակաոն, փխրեցուցիչը խառնել, մաղով անցկացնել և մաս-մաս լցնել ձվով զանգվածի մեջ՝ ընթացքում խառնելով:

Ջեռոցի սովորական ձևամանի հատակին յուղաթուղթ փռել, և խմորը լցնել մեջ:

Թխել 15-20 րոպե 180 ջերմաստիճանում:

Կրեմը պատրաստելու համար հարել կարագը, այնուհետև ավելացնել խտացրած կաթը ու միասին հարել: Վերջում մի փոքր վանիլին ավելացնել կրամի մեջ, և 2-3 րոպե հարել:

Թխված խմորը բաժանել 3 հավասար մասի, իսկ կողքերից կտրված մասերը փշրել և օգտագործել ձևավորելիս:

Յուրաքանչյուր շերտին կրեմ քսել, կողքերին ևս, և տորթը զարդարել փշրանքներով և հալեցրած շոկոլադով: Գոնե 2-3 ժամ թողնել, որ կրեմը ներծծվի:

Բարի ախորժակ