Հավի մսով և պանրով «ռուլետ»

Բաղադրությունը

• 300 գ պանիր,

• 3 հատ ձու,

• 3 ճաշի գդալ թթվասեր,

• 500 գ հավի կրծքամիս,

• 1-2 հատ սոխ,

• աղ,

• պղպեղ,

• չորացրած կանաչի:

Պատրաստման եղանակը

Ձուն, թթվասերը, քերված պանիրը, աղը և չորացրած կանաչին խառնել:

Ջեռոցի ամանը ծածկել յուղաթղթով, ձվով զանգվածը լցնել մեջը և հավասարաչափ տարածել:

Եփել 10-12 րոպե 180 ջերմաստիճանում:

Սոխը կտրատել և տապակել, մինչև ոսկեգույն երանգ կստանա, իսկ հետո ավելորդ ձեթը քամել:

Հավի կրծքամիսը աղալ, ավելացնել տապակված սոխը, սև պղպեղը և աղը ու խառնել:

Ձվով և պանրով պատրաստված շերտը հանել ջեռոցից, վրան լցնել աղացած հավի մսով զանգվածը և հավասարաչափ տարածել:

Այնուհետև շերտը փաթաթել ռուլետի պես, ծածկել փայլաթղթով և կրկին եփել 20-30 րոպե 180 ջերմաստիճանում:

Պատրաստ լինելուց 2-3 րոպե առաջ փայլաթուղթը հանել և թողնել, որ այդ ընթացքում ռուլետը եփվի առանց փայլաթղթի:

Բարի ախորժակ