Նրբաբլիթով տորթ, որը կհիացնի Ձեզ

Բաղադրությունը

Խմոր

300 գ ալյուր,

350 մլ կաթ,

250 մլ ջուր,

3 հատ ձու,

1 ճաշի գդալ շաքարավազ,

1 պտղունց աղ,

50 մլ ձեթ:

Միջուկ

600 գ հավի կրծքամիս,

600 գ շամպինիոն,

1 հատ սոխ,

300 գ թթվասեր,

աղ,

պղպեղ:

Լրացուցիչ

մաղադանոս:

Պատրաստման եղանակը

Ձուն, շաքարավազը և աղը խառնել (պատառաքաղով կամ ձեռքի հարիչով հարել):

Ավելացնել տաք կաթի կեսը և խառնել:

Ալյուրը մաղել, մաս-մաս լցնել ձվով զանգվածի մեջ և խառնել:

Այնուհետև ավելացնել կաթի 2-րդ կեսը, ջուրը, ձեթը և խառնել:

Ստացվում է ջրիկ խմոր: Խմորը 10-15 րոպե թողնել:

Թավայի հատակին ձեթ քսել, շերեփի օգնությամբ խմորից լցնել թավայի մեջ, և նրբաբլիթ պատրաստել: Սովորական նրբաբլիթից մի փոքր հաստ է հարկավոր պատրաստել: Ստացվում է մոտ 15 հատ նրբաբլիթ:

Միջուկի համար հավի կրծքամիսը խաշել, սունկը և սոխը տապակել: Այս ամենը բլենդերով հարել, ավելացնել թթվասեր, աղ, պղպեղ և խառնել:

Նրբաբլիթը դնել համապատասխան ամանի վրա, վրան միջուկ քսել, դնել մյուս նրբաբլիթը, կրկին միջուկ քսել և այդպես շարունակ: Կարելի է շերտերին ևս թթվասեր քսել:

Տորթի կողքերին թթվասեր քսել, վրան թթվասերով նախշեր անել և մաղադանոսով ձևավորել:

Տորթը 2-3 ժամ թողնել սառնարանում:

Բարի ախորժակ