Հավի փափկամսով հյութալի կոտլետներ

Բաղադրությունը

• 700 գ հավի փափկամիս,

• 1 հատ ձու,

• 1 հատ սոխ,

• 50 գ կարագ,

• 100 գ պանիր,

• աղ,

• չորահաց,

• ձեթ:

Պատրաստման եղանակը

Պանիրը քերիչով անցկացնել:

Սառը կարագը քերիչով անցկացնել:

Պանիրը և կարագը խառնել, ծածկել սննդային տոպրակով և դնել սառնարանում:

Հավի փափկամիսը և սոխը աղալ, ավելացնել 1 հատ ձու, աղ և խառնել:

Հավի փափկամսով զանգվածը 30-40 անգամ «ծեծել»: Սա կօգնի, որ զանգվածը խտանա:

Պանրով և կարագով զանգվածից 7 հատ գնդիկ ձևավորել, իսկ հետո այդ գնդիկներին նրբերշիկի տեսք տալ:

Հավի փափկամսով զանգվածից 7 հատ կոտլետ ձևավորել: Յուրաքանչյուրին լոշիկի տեսք տալ, մեջտեղի մասում դնել պանրով և կարագով զանգվածը և կոտլետի պես ձևավորել:

Յուրաքանչյուր կոտլետ թաթախել չորահացի մեջ և տապակել առատ ձեթի մեջ այնքան, մինչև ոսկեգույն մակերես կձևավորվի:

Տապակված կոտլետները դնել փայլաթղթով ծածկված ջեռոցի ամանի մեջ

Եփել 180 ջերմաստիճանում 15 րոպե:

Բարի ախորժակ