Շոկոլադե կրեմով շոկոլադե տորթ

Բաղադրությունը

Խմոր

• 125 գ ալյուր,

• 125 գ շաքարավազ,

• 5 հատ ձու,

• 20 գ կակաո,

• 1 թեյի գդալ փխրեցուցիչ:

Կրեմ

• 200 գ կարագ,

• 200 գ եփած խտացրած կաթ,

• 80 գ կակաո,

• 50 գ ձեթ:

Օշարակ

• 100 գ շաքարավազ,

• 100 գ ջուր,

• 1-2 ճաշի գդալ կոնյակ:

Լրացուցիչ

• 100-130 գ շոկոլադ:

Պատրաստման եղանակը

Ձուն հարել, ավելացնել շաքարավազը և միասին հարել այնքան, մինչև կստացվի փրփրուն և սպիտակ զանգված:

Մաղել ալյուրը, ավելացնել կակաո, փխրեցուցիչ և խառնել: Այս զանգվածն ավելացնել ձվով զանգվածի մեջ և հարել:

Ձևամանի (18-20սմ) հատակը և կողքերը ծածկել յուղաթղթով, խմորը լցնել մեջը և թխել 35-40 րոպե 170 ջերմաստիճանում:

Կրեմը պատրաստելու համար հարել փափուկ կարագը, ավելացնել եփած խտացրած կաթը և միասին հարել: Կակաոյի մեջ ձեթ ավելացնել, միասին խառնել, իսկ հետո ավելացնել խտացրած կաթով զանգվածի մեջ և հարել:

Օշարակը պատրաստելու համար ջրի մեջ շաքարավազ լցնել և եփել այնքան, մինչև շաքարավազը կլուծվի: Թողնել, որ սառչի, հետո ավելացնել կոնյակը:

Խմորը թողնել, որ հովանա, և բաժանել 3 մասի:

Բոլոր շերտերը թրջել օշարակով, հետո կրեմ քսել:

Տորթն ամբողջությամբ ծածկել կրեմով և ձևավորել հալեցրած շոկոլադով և շոկոլադի կտորներով:

Տորթը ողջ գիշեր թողնել սառնարանում, որ կրեմը ներծծվի:

Բարի ախորժակ