Հրաշք «Գաթա», որի համից չեք կշտանա

Բաղադրությունը

Խմոր

• 500 գ ալյուր,

• 0.5 թեյի գդալ սոդա,

• 1/4 թեյի գդալ աղ,

• 200 գ կարագ,

• 200 գ թթվասեր (բարձր խտությամբ):

Միջուկ

• 170 գ ալյուր,

• 150 գ շաքարավազ,

• 50 գ կարագ:

Լրացուցիչ

• 1 հատ ձու,

• 50 գ ընկույզ կամ գետնանուշ:

Պատրաստման եղանակը

Ալյուրը խառնել սոդայի և աղի հետ և մաղել:

Ավելացնել փափուկ կարագ և ձեռքերով տրորել: Ցանկության դեպքում կարելի է շաքարավազ ավելացնել:

Զանգվածի մեջ ավելացնել թթվասեր, ու ձեռքերով այնքան տրորել, որ խմոր ստացվի:

Խմորը նվազագույնը 20 րոպե դնել սառնարանում:

Միջուկը պատրաստելու համար ալյուրը, շաքարավազը և փափուկ կարագը խառնել ու ձեռքերով տրորել: Միջուկի մեջ կարելի է ըստ ցանկության նաև ավելացնել տապակված գետնանուշ կամ ընկույզ:

1 հատ ձվի սպիտակուցը և դեղնուցը տարանջատել, յուրաքանչյուրի մեջ ավելացնել մի փոքր ջուր և պատառաքաղով հարել:

Խմորը հանել սառնարանից, բաժանել 2 մասի և գրդնակել:

Գրդնակված խմորի ներսի մակերեսին սպիտակուց քսել, շաղ տալ միջուկը և գետնանուշը:

Այնուհետև խմորը ռուլետի պես փաթաթել, մի փոքր տափակացնել, մակերեսին դեղնուց քսել,պատառաքաղով նախշեր անել վրան և թեք անկյան տակ կտորների բաժանել:

Նույն կերպ պատրաստել նաև 2 մասը:

Ջեռոցի ձևամանը յուղաթղթով ծածկել, կտորները շարել վրան: Կտորների վրա կարելի է միջուկից շաղ տալ:

Թխել 30-35 րոպե 180 ջերմաստիճանում:

Բարի ախորժակ