Աննկարագրելի համեղ ռուլետ` չափազանց հետաքրքիր բաղադրատոմսով: Սնկային միջուկով ռուլետ

Բաղադրիչներ

600 գ հավի կրծքամիս

180 գ պանիր

250 գ շամպինյոն

4 ձու

1 գազար

3 ճ/գ մայոնեզ

1 գլուխ սոխ

1 թ/գ քրքում

աղ, սև պղպեղ

Պատրաստման եղանակը

Հավի կրծքամիսը երկարությամբ կիսել, ծեծել, համեմել աղով, սև պղպեղով, քրքումով և թողնել մի կողմ

Սունկը խորանարդաձև կտրատել, տապակել առանց ձեթի այնքան, մինչև առաջացած հեղուկը գոլորշիանա, ապա ավելացնել ձեթ, մանրացրած սոխ և թողնել կրակին ևս 1-2 րոպե

Ավելացնել քերած գազար, թողնել 3-4 րոպե, համեմել աղով, սև պղպեղով և վերցնել կրակից

Ստացված տապակը բլենդերով հարել` ավելացնելով նաև 1 ձու

3 ձվին ավելացնել մայոնեզ, լավ խառնել: Պանիրն անցկացնել մանր քերիչով, ավելացնել ձվային զանգվածը և լավ խառնել

Ջեռոցի տապակի մեջ յուղաթուղթ փռել, պանրային զանգվածը ուղղանկյունաձև (30*35 սմ) լցնել և դնել 180°С տաքացրած ջեռոցում 25 րոպե

Արդեն պատրաստ շերտի վրա դնել հավի ֆիլեները, ավելացնել սնկային զանգվածը և ռուլետի պես ամուր փաթաթել

Փաթաթել յուղաթղթով և ևս 30-35 րոպե դնել ջեռոցում

Մատուցելու ժամանակն է )))

Բարի ախորժակ