Հեշտ և արագ պատրաստվող կարկանդակ լավաշից: Լավաշն ամեն ձև էլ համեղ է

Բաղադրությունը

3 հատ ձու,

մոտ 150 մլ կաթ,

լավաշ (200 գ),

150-200 գ պանիր,

կանաչի՝ ըստ ցանկության,

մոտ 100 գ կաթնաշոռ,

աղ՝ ըստ ցանկության:

Պատրաստման եղանակը

Մի խորը աման վերցնել, և դրանում լավ խառնել կաթնաշոռը, կաթը, պանիրը, ձուն և աղը: Պանիրը հարկավոր է նախապես քերիչով անցկացնել:

Դրանից հետո մանր կտրատել կանաչին և ավելացնել զանգվածին:

Լավաշը հավասարաչափ կտրատել՝ ձևամանին համապատասպան:

Ձևամանի հատակին մի քանի շերտ լավաշ փռել, լցնել միջուկը և լավ տարածել:

Նորից կատարել նույն գործողությունը, այսինքն՝ արդեն տարածված միջուկի վրա լավաշի շերտեր դնել, միջուկ լցնել, տարածել: Այսպես շարունակել այնքան ժամանակ, մինչև կսպառվեն բաղադրիչները:

 Վերջին շերտի վրա կրկին մի քանի լավաշ դնել և վրան քերած պանիր շաղ տալ:

Ուղարկել ջեռոցը մոտ 30 րոպե 200 ջերմաստիճան տաքությամբ:

Պատրաստ լինելուց հետո հանել ջեռոցից և վայելել:

Բարի ախորժակ