Երբ նվազագույն բաղադրիչներով կարող ես պատրաստել համեղագույն խմորեղեն: Խնձորով ռուլետիկներ

Բաղադրիչներ

80 գ շաքարավազ

1 ձու

10 գ վանիլային շաքարավազ

աղ

2 ճ/գ ձեթ

80 գ հալեցրած կարագ

250 գ ալյուր

4 գ փխրեցուցիչ

Միջուկի համար`

2 խնձոր

2 ճ/գ շաքարավազ

1 ճ/գ կարագ

½ թ/գ դարչին

Պատրաստման եղանակը

1 ձվին ավելացնել շաքարավազ, վանիլային շաքարավազ, մի պտղունց աղ և լավ խառնել

Ավելացնել ձեթ, հալեցրած կարագ, լավ խառնել, ավելացնել ալյուր, փխրեցուցիչ, լավ խառնել և խմոր հունցել

Միջուկի պատրաստման համար անհրաժեշտ է խնձորն անցկացնել քերիչով, ավելացնել շաքարավազ, կարագ, դարչին, դնել կրակին և անընդհատ խառնելով եփել թույլ կրակին 15 րոպե

Խմորը ուղղանկյունաձև գրտնակել, բաժանել 3-4 մասի, խնձորի միջուկը դնել յուրաքանչյուր մասի երկայնքով

Յուրաքանչյուր մասի անկյուններն ամրացնել իրար

Դնել 170°С տաքացրած ջեռոցում 20 րոպե

Թողնել սառչի, ապա կտրտել, շաքարի փոշի ցանել և մատուցել )))

Բարի ախորժակ