Անկարելի է անտարբեր անցնել այսպիսի ախորժելի, համեղ բլիթների կողքով: Պանրով բլիթներ

Բաղադրիչներ

Խմորի համար`

170 մլ կաթ

3 գ խմորիչ

1 ճ/գ շաքարավազ

¾ թ/գ աղ

40 գ ձեթ

280-300 գ ալյուր

Միջուկի համար`

150 գ պանիր

2-3 ատամիկ սխտոր

մաղադանոս

աղ

սև պղպեղ

1 ձու

քնջութ

Պատրաստման եղանակը

Կաթին ավելացնել շաքարավազ, խմորիչ, խառնել, թողնել 10-15 րոպե, ապա ավելացնել աղ, ձեթ, մաս-մաս ավելացնել ալյուր, լավ խառնել և խմոր հունցել (կարելի է դիմել նաև հարիչի օգնությանը): Պետք է ստացվի փափուկ և չկպչուն խմոր

Պատել մի փոքր ձեթով, ծածկել և թողնել 40 րոպե

Բաժանել մասերի, գրտնակել, ծածկել և թողնել ևս 15 րոպե

Միջուկը պատրաստելու համար անհրաժեշտ է մաղադանոսը մանրացնել, ավելացնել քերած պանիր, ճզմած սխտոր, աղ, սև պղպեղ և լավ խառնել: Ձուն պատառաքաղի օգնությամբ հարել, մի մասն ավելացնել միջուկին

Յուրաքանչյուր գնդիկը օվալաձև գրտնակել, ռուլետի պես փաթաթել, ամրացնել, տեղափոխել ջեռոցի տապակի վրա

Կենտրոնական հատվածում կտրվածք անել, ծածկել և թողնել 20 րոպե

Ձվի մնացած մասը քսել բլիթների կողային մասերին, քնջութ ցողել, լցոնել պանրային զանգվածով և դնել 180°С տաքացրած ջեռոցում 15-20 րոպե

Վայելե՛ք, քանի դեռ տաք է )))

Բարի ախորժակ