Ջեռոցում պատրաստված հյութալի կոտլետներ

Բաղադրությունը

• 1 կգ աղացած միս (700 գ հավի միս,  տավարի և խոզի միս՝ 300 գ),

• 1 կտոր սպիտակ հաց,

• 150 գ սոխ,

• 150 գ կարտոֆիլ,

• 1 ատամիկ սխտոր,

• 1 հատ ձու,

• աղ,

• սև պղպեղ,

• 1 ճաշի գդալ թթվասեր կամ սերուցք,

• 1 ճաշի գդալ ձեթ,

• 1 բաժակ ջուր:

Պատրաստման եղանակը

Հացը 0.5 բաժակ ջրով թրջել:

Սոխը և սխտորը կտորների բաժանել և աղալ, հարել կամ շատ մանր կտրատել: Երբ հացը թրջվի, ավելացնել սոխի ու սխտորի մեջ և միասին աղալ: Ավելորդ հեղուկը հեռացնել:

Կարտոֆիլը քերիչով անցկացնել, և ձեռքերով քամելով՝ ավելորդ հեղուկը հեռացնել:

Այս ամենը ավելացնել աղացած մսի վրա, հետո 1 ձու և թթվասեր ավելացնել, համեմել աղով, պղպեղով ու լավ խառնել:

Միսը «ծեծել», իսկ հետո կոտլետներ ձևավորել:

Ջեռոցի ամանի մեջ յուղաթուղթ փռել, վրան ձեթ քսել, և շարել կոտլետները:

Եփել 20 րոպե 190 ջերմաստիճանում:

20 րոպե անց կոտլետները հանել ջեռոցից, ջեռոցի ամանի մեջ 0.5 բաժակ ջուր ավելացնել ու կրկին 20-25 րոպե եփել, մինչև կոտլետները ոսկեգույն երանգ կստանան:

Բարի ախորժակ